Independent Sangram News
ಧಾರವಾಡ : ಕರ್ನಾಟಕ ರಾಜ್ಯ ವಕೀಲರ ಪರಿಷತ್ ನ ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ಹಿರಿಯ ನ್ಯಾಯವಾದಿ ವ್ಹಿ.ಡಿ.ಕಾಮರಡ್ಡಿ ಅವರನ್ನು ಸೋಮವಾರ ಶರಣಬಸವ ಅಂಗಡಿ ಲಾ ಫಮ್೯ ನಲ್ಲಿ ಸನ್ಮಾನಿಸಲಾಯಿತು.
ಧಾರವಾಡ ವಕೀಲರ ಸಂಘದ ಮಾಜಿ ಅಧ್ಯಕ್ಷರು ಆದ ಕಾಮರಡ್ಡಿ ಅವರನ್ನು ಶಾಲು ಹೊದಿಸಿ, ಕಾಣಿಕೆ ನೀಡಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಮಾತನಾಡಿದ ಕಾಮರಡ್ಡಿ, ತಮ್ಮ ವಕೀಲ ವೃತ್ತಿಯಲ್ಲಿ ಹಿರಿ-ಕಿರಿಯರು ತೋರಿದ ಪ್ರೀತಿ ಅಪಾರ.ಧಾರವಾಡ ವಕೀಲರ ಸಂಘದ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ ಅವಧಿಯಲ್ಲಿನ ಎಲ್ಲ ಸದಸ್ಯರ ಸಹಕಾರ ತಮ್ಮನ್ನು ರಾಜ್ಯಮಟ್ಟದಲ್ಲಿ ಗುರುತಿಸುವಂತೆ ಮಾಡಿತು ಎಂದರು.
ನ್ಯಾಯವಾದಿ ಶರಣಬಸವ ಅಂಗಡಿ ಮಾತನಾಡಿ, ಹಿರಿಯರಾದ ಕಾಮರಡ್ಡಿ ಅವರ ವೃತ್ತಿಧರ್ಮ ಪಾಲನೆ ಗಮನಾರ್ಹ ಸಂಗತಿ. ಅಲ್ಲದೇ ಎಲ್ಲರನ್ನೂ ಅತ್ಯಂತ ಪ್ರೀತಿಯಿಂದ ಕಾಣುವ ಅವರ ಸೌಜನ್ಯ, ಸರಳತೆ ಕಿರಿಯರಿಗೆ ಸದಾ ಅನುಕರಣೀಯ ಎಂದರು.
ಧಾರವಾಡ ವಕೀಲರ ಸಂಘದ ಮಾಜಿ ಅಧ್ಯಕ್ಷ ಸಿ.ಎಸ್. ಪೊಲೀಸ್ ಪಾಟೀಲ, ನ್ಯಾಯವಾದಿಗಳಾದ ಎಚ್.ಎಫ್.ಹೆಬ್ಬಾಳ, ರಾಚನಗೌಡ ಪಾಟೀಲ, ಗವಿಸಿದ್ದಪ್ಪ ದ್ಯಾಮಣ್ಣವರ, ಮೃತ್ಯುಂಜಯ ಮುಷ್ಠಿ, ಎ.ಸಿ.ಕೋರಿ ಇತರರಿದ್ದರು.
