There is a need for leadership to address the dilemmas and challenges on a global scale --- Karan Bilimoria

ಧಾರವಾಡ : ಜಾಗತಿಕ ಮಟ್ಟದಲ್ಲಿ ಸಂದಿಗ್ಧ ಪರಿಸ್ಥಿತಿ ಮತ್ತು ಸವಾಲುಗಳನ್ನು ಎದುರಿಸುವ ನಾಯಕತ್ವದ ಅವಶ್ಯಕತೆ ಇದೆ ಎಂದು ಕ್ಯಾಂಬ್ರಿಡ್ಜ್ ವಿಶ್ವವಿದ್ಯಾಲಯದ ಸಿಡ್ನಿ ಸಸೆಕ್ಸ್ ಕಾಲೇಜಿನ ಫೆಲೋ ಲಾರ್ಡ್‌ ಕರಣ್ ಬಿಲಿಮೋರಿಯಾ ಅಭಿಪ್ರಾಯಪಟ್ಟರು.

ಅವರು ಕರ್ನಾಟಕ ವಿಶ್ವವಿದ್ಯಾಲಯ ಡಾ.ಡಿ.ಸಿ.ಪಾವಟೆ ಮೆಮೊರಿಯಲ್ ಫೌಂಡೇಶನ್ ಕರ್ನಾಟಕ ವಿಶ್ವವಿದ್ಯಾಲಯದ ಸೆನೆಟ್ ಸಭಾಂಗಣದಲ್ಲಿ ಆಯೋಜಿಸಿದ ವಿಶೇಷ ಮೂಲತತ್ವ ಉಪನ್ಯಾಸ ಕಾರ್ಯಕ್ರಮದಲ್ಲಿ ‘ಸಂಧಿಗ್ದ ಸಮಯದಲ್ಲಿ ನಾಯಕತ್ವ’ ಎಂಬ ವಿಷಯದ ಕುರಿತು ಮಾತನಾಡಿದರು.

ಭಯೋತ್ಪಾದಕರ ಧಾಳಿ, ಆರ್ಥಿಕ ಬಿಕ್ಕಟ್ಟು, ಹವಾಮಾನ ಬದಲಾವಣೆ ಮತ್ತು ಜಾಗತಿಕ ಆರೋಗ್ಯ ಬಿಕ್ಕಟ್ಟುಗಳ ಎದುರಿಸುವ ಸಾಮರ್ಥ್ಯ ದೇಶವನ್ನು ‌ಮುನ್ನಡೆಸುವವರು ಹೊಂದಿರಬೇಕು. ಜಗತ್ತಿನ ಅನೇಕ ಮಹಾನ್ ನಾಯಕರು ದೇಶವು ಸಂದಿಗ್ಧ ಸಮಯದಲ್ಲಿ ಉತ್ತಮ ನಾಯಕತ್ವ ಪ್ರದರ್ಶಿಸಿದ್ದು, ದಕ್ಷಿಣ ಆಫ್ರಿಕಾದ ನೆಲ್ಸನ್ ಮಂಡೇಲಾ ದಂತಹ ಅನೇಕ ಮಹಾನ್ ನಾಯಕರು ಸಂದಿಗ್ಧ ಸಮಯದಲ್ಲಿ ದೇಶವನ್ನು ಸ್ವಾತಂತ್ರ್ಯವನ್ನು ತಂದುಕೊಟ್ಟಿದ್ದಾರೆ ಎಂದರು.

ವಿದ್ಯಾರ್ಥಿಗಳು ನಿರ್ದಿಷ್ಟ ಗುರಿಗೆಯೊಂದಿಗೆ ಜೀವನವನ್ನು ಸಕಾರಗೊಳಿಸುವದು, ಉದ್ಯಮಶೀಲತೆಯಲ್ಲಿ ನಾಯಕತ್ವ ಬೆಳಸಿಕೊಳ್ಳಬೇಕಾದರೆ ತಾರ್ಕಿಕ ಪ್ರಜ್ಞೆಯ ಮೂಲಕ ವೃತ್ತಿಪರತೆ ಬೆಳೆಸಿಕೊಳ್ಳಬೇಕು. ಒಬ್ಬ ಉತ್ತಮ ಶಿಕ್ಷಕ ವಿದ್ಯಾರ್ಥಿ ಜೀವನವನ್ನು ಬದಲಾಯಿಸುವ ಶಕ್ತಿ ಹೊಂದಿದ್ದಾನೆ. ಡಾ.ಅಬ್ದುಲ್ ಕಲಾಂ ಒಬ್ಬ ವಿಜ್ಞಾನಿ ಆಗಿದ್ದರು ಕೂಡ ಅವರು ಒಬ್ಬ ಅತ್ಯುತ್ತಮ ಶಿಕ್ಷಕರಾಗಿದ್ದರು. ಜೀವನದಲ್ಲಿ ಉದ್ದೇಶ ನಿರ್ದಿಷ್ಟ ಉದ್ದೇಶದಿಂದ ಉದ್ಯಮಶೀಲತೆ ಯನ್ನು ಅಳವಡಿಸಿಕೊಳ್ಳವದು ಬಹಳ ಅಗತ್ಯ ಎಂದ ಅವರು ವಿದ್ಯಾರ್ಥಿಗಳಲ್ಲಿ ಸೃಜನಶೀಲತೆ ಹೆಚ್ಚಿವದು ಇಂದಿನ ಅಗತ್ಯವಾಗಿದೆ. ಜಾಗತೀಕರಣವು ಎಲ್ಲಾ ಕ್ಷೇತ್ರದಲ್ಲಿ ಸಂದಿಗ್ಧತೆಯನ್ನು ಉಂಟುಮಾಡಿದೆ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕರ್ನಾಟಕ ವಿಶ್ವವಿದ್ಯಾಲಯದ ಕುಲಪತಿಗಳಾದ ಡಾ.ಎ.ಎಂ.ಖಾನ್ ಮಾತನಾಡಿ…ಹೊಸ ಉದ್ಯೋಗ ಮಾರುಕಟ್ಟೆಗೆ ತಕ್ಕಂತೆ ಯುವ ಸಮುದಾಯವನ್ನು ಸಜ್ಜುಗೊಳಿಸಬೇಕಾದ ಅಗತ್ಯವಿದೆ ಎಂದ ಅವರು ಭವಿಷ್ಯದಲ್ಲಿ ಉತ್ತಮ ನಾಯಕತ್ವವನ್ನು ಬೆಳುಸವಲ್ಲಿ ನಿರಂತರ ಪ್ರಯತ್ನ ನಡೆದಿದೆ. ಹೊಸ ಯುವ ಸಂಶೋಧಕರನ್ನು ಉತ್ತೇಜಿಸುವಲ್ಲಿ ಪಾವಟೆ ಫೌಂಡೇಶನ್ ಕಾರ್ಯ ಶ್ಲಾಘನೀಯ ಎಂದರು.

2025-26ನೇ ಸಾಲಿಗೆ ಆಯ್ಕೆ ಡಾ.ಡಿ.ಸಿ. ಪಾವಟೆ ಫೆಲೋಶಿಪ್ ಆಯ್ಕೆಯಾದವರ ವಿವರ :

ಇಂಟರ್ ನ್ಯಾಶನಲ್ ರಿಲೇಶನ್ಸ್ ವಿಷಯದಲ್ಲಿ ಹರಿಯಾಣದ ಓ.ಪಿ.ಜಿಂದಾಲ್ ಸೌತ್-ಈಸ್ಟ್ ಏಷ್ಯನ್ ಸ್ಟಡೀಸ್ ಸಹ ಪ್ರಾಧ್ಯಾಪಕಿ ಡಾ.ಶ್ರಬಾಣಾ ಬಾನು, ವಿಜ್ಞಾನ ವಿಷಯದಲ್ಲಿ ಬಳ್ಳಾರಿ ಶ್ರೀಕೃಷ್ಣ ದೇವರಾಯ ವಿಶ್ವವಿದ್ಯಾಲಯದ ಸಹಾಯ ಪ್ರಾಧ್ಯಾಪಕ ಡಾ. ಕೋಟ್ರೇಶ ಎಂ.ಜಿ ಮತ್ತು ನ್ಯಾಯ ವ್ಯವಾಹರಿಕ ವಿಷಯದಲ್ಲಿ ಬೆಂಗಳೂರಿನ ಇ-ಗರ್ವನಮೇಂಟ್ ಫೌಂಡೇಶನ್ ಕಾರ್ಯಕ್ರಮ ಅಧಿಕಾರಿ ಶ್ರೀಜಾ ಎಸ್. ರಾವ್ ಅವರು ನಾಲ್ಕು ತಿಂಗಳ ಅವಧಿಗೆ ಕ್ಯಾಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ನಿಗದಿತ ವಿಷಯದ ‌ಮೇಲೆ‌ ಸಂಶೋಧನೆ ‌ನಡೆಸಲಿದ್ದಾರೆ.

ಇದೇ ಸಂದರ್ಭದಲ್ಲಿ ಇತ್ತೀಚೆಗೆ ನಿಧನರಾದ ಪಾವಟೆ ಮೆಮೊರಿಯ ಫೌಂಡೇಶನ್ ಸ್ಥಾಪನೆಗೆ ಕಾರಣಿ ಭೂತರಾದ ಡಾ.ಜೇಮ್ಸ್ ಮಯಾಲ್ ಮತ್ತು ಶರದ್ ಜವಳಿ ಅವರಿಗೆ ಮೌನಾಚರಣೆ ಮ‌ೂಲಕ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.

ಕ್ಯಾಂಬ್ರಿಡ್ಜ್ ವಿಶ್ವವಿದ್ಯಾಲಯ ಇಂಗ್ಲಿಷ್ ವಿಭಾಗದ ಡಾ.ಎಡ್ವರ್ಡ್ ವಿಲ್ಸನ್ ಲೀ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಕವಿವಿ ಪ್ರಭಾರ ಕುಲಸಚಿವರಾದ ಡಾ.ಅರವಿಂದ ಮೂಲಿಮನಿ, ಡಿ.ಸಿ.ಪಾವಟೆ ಫೌಂಡೇಶನ್ ಸಂಯೋಜಕ ಡಾ.ಬಿ.ಎಚ್.ನಾಗೂರ, ವಿಶ್ರಾಂತ ಕುಲಪತಿ ಪ್ರೊ.ಬಿ.ಜಿ.ಮೂಲಿಮನಿ ಸೇರಿದಂತೆ ಕಲಾ,ವಿಜ್ಞಾನ, ವಾಣಿಜ್ಯ, ಸಮಾಜ ವಿಜ್ಞಾನಿಗಳ ನಿಖಾಯದ ಡೀನರು, ಪ್ರಾಧ್ಯಾಪಕರು ಮತ್ತು ವಿದ್ಯಾರ್ಥಿಗಳು ಹಾಜರಿದ್ದರು.